/*Google Analytics*/ /* eingefügt 15.12.2022/hb*/

E Wuche ir Toscana by mtbeer

E Wuche bike ir Toscana mit mtbeer het so gfägt, dass es üs gar het zum Dichte agregt.

U dass das Ganze nid so troche isch überecho hei di Wort ono e Melodie übercho. 

Aus 4er-Chörli simer igstange am Fritigabe u di arme Ohre vor ganze Truppe hei dä gsungeni Text vo üs müesse ertrage;-)


Kristina, Markus, Otti u RenateMir wünsche öich Schueh, wo nid drücke für di planeti Tour
u dass dr Rucksack am Rügge, nid gwichtet wine Muur
wes Abe wott wärde bim Salvo es Bier
gueti Primi u Secondi, jaa das wünsche mir!

Mir wünsche öich Trails, wo wäuts fäge, z’dürab u z’düruuf
u dass bi Sunne u Räge nid usgeit öie Pfuus
sötte d‘ Guids sich verfahre, e Kompass wo stimmt
dass die ganzi Truppe ihre Heiwäg wieder fingt!

Mir wünsche öich Gäscht, wo nech passe u immer guet tüe
damit die planete Toure o verbi gö ohni Müeh
grad eso wi di Wuche, das isch doch e Hit
Capuccino, Cinquecento u Ferrari so fit!

Arrivederci Toscana, ciao mtbeer-Team
es het üs gfaue wine moore o ohne Sunneschiin
mir säge öich tante grazie u merci viu mau
für die super Wuche mir chöme wieder emau!

 

Unändlechi Gschichte hättis no gä z’verzeue vo dere Wuche Toscana
aber üsi Dichtkunscht het haut eifach einisch nacheglaa
drum muess nech das, wo dr heit gläse, eifach gnüege
es isch für üs gsii, es Riesevergnüege!!

 

Text Renate / Chörli Kristina, Markus, Otti u Renate

Montag, 12. Oktober 2015

KONTAKT

mtbeer-Bikeschule & Solutions gmbh
Lombachzaunweg24,3800 Unterseen

+41 33 822 84 92, info@mtbeer.ch 

mtbeer auf Facebook  mtbeer auf Instagram  YouTube  mtbeer auf Twitter

mtbeer.ch nutzt Cookies, um bestmögliche Funktionalität bieten zu können. [ mehr Infos ]