Wuchebricht nach Basler Art … - Toscana 11. Bis 18. Juni 2011

Die Bilder >>>

Wie Gaby aus Basel die Bikeferien in der Toscana erlebt hat

S Bike mit s Beers, das isch famos,
eusi 4 Guides, die sin grandios,
lueget dr Housi, dr Fräne und dr Chrigu a,
aber d Perle isch ganz klar d Erika!

Am Samschtig Obe isch d Neugier gross,
was gits für Bikes, isch in dene Ferie öpis los,
wie isch s Niveau, wie schnäll muess i si,
längt d Kondition, gang i morn bim Bike nyt i?

I ha mi gfreut gits d Luciolas,
die hän näbem Bike au no Spass,
griege zwüschedure ä Shuttle,
und hän s Fudi weniger oft im Sattel.

Dr Hanspeter hän mir welle bi dä Luciolas ufnäh,
doch die Blössi will er sich nyt gäh,
drbi wär d Ursula no so froh,
denn chönnt sie ändlig zu dä Ferraris goh.

Au s Margrit und dr Fritz sin ä agnähms Päärli,
sie verzelle nyt wie dr Cello ständig Märli,
d Brigitte isch die schnällschti Frau und völlig fit,
sie isch au die erschti im neue Biker-Outfit!

Ä glatti Bandi wohnt im Cicalino,
die sympathischi Rita und dr Turbo Bruno,
d Maja und dr Markus (übrigens äs Jöhrli älter) chönne nyt vonenander loh,
am Donnschtig uf dr Tour sin sie bim Schmuse fascht unter s Auto cho.

Vom Rico weiss i nyt so viel z verzelle,
er chunnt am Samstig spot a, ghört aber sunscht zue de Schnälle,
au dr Fräne und dr Chrigu sin mir suspäkt,
sie fahre nyt mit uns Luciolas, aber zeige immerhin Respäkt.

Wie chas d Bernadette nur mit em Moritz ushalte,
er tuet nie brämse nur trampe und schalte,
D Konkurrenz bi dä Ferraris isch halt gross,
wenn nyt ufpassisch, frisst di dr Stefan uf dr Stross!

D Christine und d Regula gän mittlerwile au schön Gas,
z Obe nipple sie gärn am Rotwy Glas,
sie gniesse wie ich s feine Salvi Ässe,
ab em Mäntig chönne mir s kulinarische Verwöhne vergässe.

S Karin het im Housi welle ä Kaffi zahle,
demit er bim Schuehlade nyt nur tuet dure fahre,
mit dr Erika chönne mir die ganzi Tour diskutiere,
sie würd glaub au no mit uns Schueh probiere.

Ä Flussdurchquerig ghört au zum Programm,
die einte nämme lieber ä Bad im Schlamm,
Dornekratzer, blaui Fläcke und zum Mittagässe echlei mieefä,
das gits bi Beers alles inklusivä.

Für hüte längts, i hoff ihr verzeihet mir mi grossi Schnuure,
aber nach ere Wuche uf em Bik mit s Beers bisch eifach dure …

Danggschön an alli für die sportlichi und gselligi Wuche!
ä Luciola